Ավստրալիա կատարած աշխատանքային այցի շրջանակում ՀՀ մարդու իրավունքների պաշտպան Անահիտ Մանասյանը մասնակցել է հոկտեմբերի 20–21-ը Սիդնեյում անցկացվող՝ Զինված ուժերի օմբուդսմանական հաստատությունների 18-րդ միջազգային համաժողովին։
Համաժողովը կազմակերպվել է Անվտանգության ոլորտի կառավարման Ժնևյան կենտրոնի (DCAF) և Ավստրալիայի պաշտպանության ուժերի գլխավոր տեսուչի գրասենյակի համատեղ նախաձեռնությամբ՝ «Զինված ուժերի օմբուդսմանական հաստատությունները փոփոխվող աշխարհառազմավարական միջավայրում» խորագրի ներքո։
Միջոցառումը համախմբել էր տարբեր երկրների օմբուդսմանական հաստատությունների, պաշտպանության ոլորտում վերահսկողական գործառույթներ իրականացնող մարմինների ներկայացուցիչների և միջազգային փորձագետների՝ փորձի փոխանակման, համագործակցության ամրապնդման և զինված ուժերում անկախ վերահսկողության արդյունավետության բարձրացման նպատակով։
Համաժողովի բացմանը ելույթներով հանդես են եկել Ավստրալիայի պաշտպանության ոլորտի անձնակազմի և վետերանների հարցերով նախարար Մեթ Քիոն, Ավստրալիայի պաշտպանության ուժերի գլխավոր տեսուչ Ջեյմս Գեյնորը և Անվտանգության ոլորտի կառավարման Ժնևյան կենտրոնի (DCAF) տնօրեն, դեսպան Նատալի Շուարը։
Համաժողովի օրակարգում ընդգրկված էին անվտանգության միջավայրի փոփոխությունների պայմաններում զինծառայողների իրավունքների պաշտպանության, ծառայության պայմանների, բժշկական և հոգեբանական աջակցության հասանելիության, ինչպես նաև զինծառայողների ու նրանց ընտանիքների բարեկեցության ապահովմանն առնչվող հարցեր։
Առանձին քննարկումներ են տեղի ունեցել ռազմական ոլորտում արհեստական բանականության և նոր տեխնոլոգիաների կիրառման հետևանքով առաջացող մարտահրավերների, հրամանների օրինականության, միջազգային մարդասիրական իրավունքի պահպանման և զինված ուժերում հաշվետվողականության ապահովման գործում օմբուդսմանական հաստատությունների դերի վերաբերյալ։
Համաժողովը կարևոր հարթակ է` քննարկելու օմբուդսմանական հաստատությունների միջազգային համագործակցության ընդլայնման, անկախության ամրապնդման և իրավունքների պաշտպանության արդյունավետ կառուցակարգերի զարգացման ուղիները։
Մարդու իրավունքների պաշտպանի աշխատակազմի Շիրակի մարզային ստորաբաժանման ղեկավար Լուսինե Նահապետյանն այցելել է Շիրակի մարզի «Առափի միջնակարգ դպրոց» ՊՈԱԿ և հանդիպել աշակերտների հետ։
Հոկտեմբերի 20-ին Մարդու իրավունքների պաշտպանի աշխատակազմի Կոնվենցիոն մանդատների ապահովման վարչության ներկայացուցիչները հանդիպել են ՀՀ կրթության, գիտության, մշակույթի և սպորտի նախարարության և «Հանրապետական մանկավարժահոգեբանական կենտրոն» ՊՈԱԿ-ի ներկայացուցիչների հետ։
Մարդու իրավունքների պաշտպանի աշխատակազմի Կոնվենցիոն մանդատների ապահովման վարչության պետ Լիլիթ Աղաջանյանը մասնակցել է Երևանի պետական համալսարանի Սոցիոլոգիայի տեսության և պատմության ամբիոնի կազմակերպած՝ «Երևանը՝ հետիոտնի համար. մատչելիություն և հավասար հնարավորություններ (Նոր Նորքի բնակիչների առօրյա փորձառություններն ու գնահատականները)» հետազոտության արդյունքների քննարկմանը։
Ավստրալիա կատարած աշխատանքային այցի շրջանակում ՀՀ մարդու իրավունքների պաշտպան Անահիտ Մանասյանը մասնակցել է հոկտեմբերի 20–21-ը Սիդնեյում անցկացվող՝ Զինված ուժերի օմբուդսմանական հաստատությունների 18-րդ միջազգային համաժողովին։
