Մարդու իրավունքների պաշտպանի հանձնարարությամբ ՄԻՊ աշխատակազմի ներկայացուցիչներն այց են իրականացրել ՀՀ արդարադատության նախարարության «Նուբարաշեն» քրեակատարողական հիմնարկ՝ հացադուլ հայտարարած ազատությունից զրկված անձանց, այդ թվում` Հայկ Ստեփանյանին տեսակցելու նպատակով։ Հայկ Ստեփանյանին ՄԻՊ ներկայացուցիչներն այցելել են երեք անգամ, իսկ չորրորդ այցն իրականացվել է Մարդու իրավունքների պաշտպանի կողմից:
Հայկ Ստեփանյանը ՄԻՊ ներկայացուցիչներին որպես առաջնահերթություն բարձրաձայնել է երեխաների տեսակցության հետ կապված հարց:
ՄԻՊ հաստատությունն անմիջապես բարձրացրել է նշված հարցը և իր լիազորությունների շրջանակում համագործակցել է իրավասու պետական մարմինների հետ՝ հացադուլ հայտարարած ազատությունից զրկված անձի` խնամքի հաստատությունում գտնվող երեխաների հետ տեսակցությունը քրեակատարողական հիմնարկում կազմակերպելու հարցի շուրջ։
Տեսակցության կազմակերպման հարցերը քննարկվել են բացառապես երեխաների լավագույն շահի ապահովման համատեքստում։
Պետական մարմինների և ՄԻՊ հաստատության համագործակցության արդյունքում ապահովվել է երեխաների՝ քրեակատարողական հիմնարկում հոր հետ տեսակցությունը։
Նույն օրը ՄԻՊ ներկայացուցիչները առանձնազրույց են ունեցել նաև երեխաների հետ: Վերջիններս բարձրաձայնել են նաև խնամքի հաստատությունում իրենց խնամքի պայմաններին վերաբերող հարցեր, որոնք Պաշտպանի աշխատակազմի կողմից արձանագրվել և հասցեագրվել են իրավասու մարմիններին՝ դրանց համակողմանի ուսումնասիրության և պատշաճ քննարկման նպատակով։
Մարդու իրավունքների պաշտպանը կարևորում է նման իրավիճակներում իրավասու պետական մարմինների համագործակցային մոտեցումը՝ որպես երեխաների իրավունքների արդյունավետ իրացման և առաջացած խնդիրներին համակարգային արձագանք ապահովելու կարևոր նախապայման։
Ինչ վերաբերում է ազատությունից զրկված անձի կողմից բարձրացված կալանքի հետ կապված հարցին, կարևոր է նկատի ունենալ, որ այդ հարցը Պաշտպանը երբևէ քննարկման առարկա չի դարձնում` պայմանավորված բացառապես հացադուլ հայտարարելու հանգամանքով: Խափանման միջոցների կիրառման միջազգային չափանիշների առերևույթ խախտումը կամ դրանք շրջանցելն է, որ հանգեցնում է կալանք խափանման միջոցի կիրառման իրավաչափությունը բարձրաձայնելու և արդյունքում` այն փոփոխելու անհրաժեշտության: Այդ չափանիշներն են, որ դատարանները և իրավասու մյուս դերակատարները պետք է մշտապես, այդ թվում` այս դեպքում, դնեն խափանման միջոցի կիրառման կամ դրա փոփոխության որոշումների հիմքում:
Մարդու իրավունքների պաշտպանը անընդհատ հետևում է նաև հացադուլի վարման պետության պարտավորությունների կատարմանը և արձանագրված խնդիրները հասցեավորում է տարբեր գործիքակազմերի շրջանակներում:
Հայաստանի Հանրապետությունում մարդու իրավունքների պաշտպանության ոլորտում Մարդու իրավունքների պաշտպանի կողմից իրականացվող մշտադիտարկումները, քաղաքացիների դիմումների և բողոքների ուսումնասիրությունը, ինչպես նաև ոլորտային հետազոտությունները վկայում են, որ գործարար գործունեության հետ առնչվող մարդու իրավունքների պաշտպանության խնդիրները բազմաշերտ են և ընդգրկում են հասարակական կյանքի տարբեր ոլորտներ։
Հուլիսի 2-ին Մարդու իրավունքների պաշտպան Անահիտ Մանասյանի գլխավորությամբ տեղի է ունեցել աշխատանքային խորհրդակցություն, որին մասնակցել է ՄԻՊ աշխատակազմի ստորաբաժանումների ղեկավար կազմը։
Այս ընթացքում քննարկման փուլում են գտնվում ընտրելու և հանրաքվեին մասնակցելու իրավունքների սահմանափակմանն առնչվող նախագծերը:
Մարդու իրավունքների պաշտպանի հանձնարարությամբ ՄԻՊ աշխատակազմի ներկայացուցիչներն այց են իրականացրել ՀՀ արդարադատության նախարարության «Նուբարաշեն» քրեակատարողական հիմնարկ՝ հացադուլ հայտարարած ազատությունից զրկված անձանց, այդ թվում` Հայկ Ստեփանյանին տեսակցելու նպատակով։ Հայկ Ստեփանյանին ՄԻՊ ներկայացուցիչներն այցելել են երեք անգամ, իսկ չորրորդ այցն իրականացվել է Մարդու իրավունքների պաշտպանի կողմից:
